اميرة مشرف
عدد الرسائل : 16 العمر : 33 اعلام الدول : الهواية : مزاجك اليوم : المهنة : نقاط : 28 تاريخ التسجيل : 15/06/2009
| موضوع: قلم رصاص ...... صلاح جاهين الجمعة يونيو 19, 2009 8:58 pm | |
| Thumbs up قلم رصاص - صلاح جاهين
قلم رصاص
لقيت فى جيبى قلم قلم رصاص طول عقلة الصابع معرفش مدّيت إيدى عايز إيه راح طالع أصفر ضعيف ضايع ومابين تراب دخّان وقشر سودانى كان مدفون وكنت ماشى لوحدى فى الشارع معرفش رايح فين , لكن ماشى والليل علىّ وش البلد غاشى ليل إنّما ليل اسود الأخلاق ليل إنّما عملاق اسود سواد خنّاق اسود كمليون عسكرى بستره خفّاشى وجزمه ضبّاشى بينظّموا السهره الخلق ياحسره الخلق مالهاش خُلق للسهره الخلق عاملين زىّ عشّاق كلّهم مهاجير ومروّحين مقاهير يستنظروا بكره مقهور وأنا ماشى أصل القمر قال جاى لى وماجاشى ع النيل ماجاش وماجاش كمان ع الهرم لفّيت عليه القلعه لفّيت بولاق قمرى لقيته عَدَم لفّيت عليه إمبابه والورّاق قمرى لقيته محاق وعنيّا وقعوا م السما ع الأرض الأرض برضه محاق قهاوى سوده من الهباب والهذر والراديوهات تنعب نعيب الجنون ياليله من غير قمر ياكحل من غير عيون ولقيت فى جيبى قلم كأنه واد مقروض ومتجادع قُزعه لكين ملعون مَبرى قوى ومسنون تقولش ح يخطّط نظام الكون؟! وأعمل به إيه وأنا ماشى فى الشارع أنا كمان قُزعه وكمان ضايع وكمان عليّا تلول تراب دُخّان ياميت ندامه عليكوا ياصنايع سبع صنايع بس آه ياندم سبع صنايع بس آه يازمان ارسم لى قُطّه يابابا أرسم له قطّه بتشتغل بهلوان اكتب لى اسمى يابابا أكتب له اسمه بخطّ مرعوش حنان ادّينى قلمك يابابا أدّيله قلمى يشخبطه ع الحيطان وشيلنى أوبح يابابا أشيله على صدرى كما الصولجان كان القمر ايّامها طفلى أنا وعليه زغب ناعم كمثل الطير وأخضر كأنه لمونه م البنزهير وكنت أشيله , وأفرّجه لكل حى اتفرّجوا , شوفوا غلاوة الضنا والناس يقولوا اسم الله خير والله خير يارب خلّيه لك الربّ خلاّه بس مش ليّا ضاع القمر منى وأنا غفلان وصبحت يا إخوان لابُد مايتْشَحْتفوا عنيّا علشان أطول منه شُعاع من ضىّ وآدينى ماشى لوحدى فى الشارع معرفش رايح فين لكن ماشى والليل عليّا و ع البلد غاشى ولقيت فى جيبى قلم كتبت به غنوة عذاب | |
|
نورااااااااااااااااااااان
°¤ عضو نشيط ¤°
عدد الرسائل : 103 العمر : 33 اعلام الدول : الهواية : مزاجك اليوم : المهنة : الأوسمة : نقاط : 157 تاريخ التسجيل : 20/03/2009
| موضوع: رد: قلم رصاص ...... صلاح جاهين السبت يونيو 20, 2009 10:54 am | |
| _______________________________________________________
| |
|
اميرة مشرف
عدد الرسائل : 16 العمر : 33 اعلام الدول : الهواية : مزاجك اليوم : المهنة : نقاط : 28 تاريخ التسجيل : 15/06/2009
| موضوع: رد: قلم رصاص ...... صلاح جاهين الأحد يونيو 21, 2009 3:55 am | |
| السلام عليكم ورحمه الله تسلمى نوراااااااااااااااااااااااان الله يكرمك مرسى لمرررررررررررررررررورك يا قمر المنتدى | |
|